紺紺~祝你生日快樂~~~~~~~
唔知道紺野小姐係20歲既生日係點樣過既呢?
希望佢可以過得同係MM既時候一樣咁快樂啦~
唔好為左學業而忽略休息既時間啊~
最後係祝佢身體健康~~~^^

呢個黃金週既假期真係短啦...
估唔到咁快就過左一個禮拜啦...
不過今日係呢個禮拜過得真快樂既一日 ,
因為一早我之後同子仲佢地去左睇<蜘蛛俠3> ,
套戲既特技做得好極 , 但故事上有d唔連接 ,
特別係中段主角既人格有d變化而係街上跳舞果段 , 特別有趣~^^
之後仲上左我屋企度打機 ,
打完機仲去左Pizza Hut食晚餐 ,
同朋友過既呢一日真係好快樂 ,
除左可以見到咁耐無見既朋友 ,
而且子仲同阿閉都有興趣係今年內去考警察 ,
而子仲同阿閉面試合格既話 , 就會入黃竹坑訓練7個月 ,
即係我放暑期時返到黎都無咩見面機會 ,
雖然話無咩機會見到朋友係幾可惜既事 ,
但係我都會衷心希望佢地可以合格 , 而且成功由黃竹坑畢業 !
而半獸人呢...暑假時再搵佢啦 , 希望佢出時唔好咁忙(咁懶)唔出黎就得啦~

今日去左信和度買左兩本Hello!Projcet Best Shot vol.16,
有本係幫阿男買既,但唔知佢夠唔夠錢,如果唔夠就...
講真...一本$115都幾貴下...

封面:

Reina : ...我影得唔算好,其實有好多好好既相啦

安倍姐:的確係成熟既安倍姐呀,睇見都有d心動...

除此之外仲有好多影得好好既相啦~如果有興趣既話大家都買一本啦~

而且仲買左隻aya既大碟(CD+DVD台版),雖然感覺上無日版咁珍貴...
但起碼都係正版啦,而且仲要係賣$100,幾平下啦,比起日版($230)真係平得緊要呢~
最緊要係送DVD呀,而且仲有十隻歌係DVD裡面啦(讚翻了!!!)

不過諗起聽日要返珠海,就覺得有d十五個桶打水(七上八落)...
可能係呢個假期都唔知係放得耐定短呢,感覺上轉眼就過完咁啦...
不過都無辦法啦,既然要開學啦,唯有努力係學業上啦~

十一月十日

早上約六時，結果我們到了六時十五分才不情不願地從床上爬起來，原因是我們不想遲到或缺席而被扣學分．．．不不不，其實還有一個更重要的是越接近升旗的集合時間，氣氛才越來越濃烈，這種氣氛令我們不願再賴在床上，這種氣氛令我們越來越緊張！眾人都急急的整理自己的面容及衣著，免得遲到而又被扣分．．．不！是免得錯過百年一度的盛會！

原因是這次升旗禮和以前的不同（雖然我們以往也沒遇過在學校會有這種的升旗禮．．．）是我們偉大的暨南大學百年校慶的一次重要的升旗禮！

所以我們都要盛裝出席（Ｔ恤和長褲）在途中，我們看到不少和我們同樣帶著疲累的身驅也不惜前去操場的人們，我想他們的原因也是不想被扣學分吧．．．（雖然是傳聞，但還是小心駛得萬年船．．．）再次更正！是因為大學都懷著一份愛國愛校之心！！！

到了操場，升旗禮也快就開始了，雖然見到的旗隊有步伐不齊，高矮又不一，而且又沒有樂隊奏樂，不過都不會影響到我們對暨大的熱情‧隨著國旗升起，我們都懷著一個想法：快點完結吧．．．不，這種無禮的思想不是我們的！是愛！

後段，先後有兩位教授發言，我們都感受到他對大家的熱愛，特別是「升旗禮結束，大家可以離開了」這句可看得出來，這不是因為我們要急急離開，而是我們見證著一個簡單而隆重的升旗禮開始到結束的整個過程，這不是天底下最完美的事嗎？！

升旗禮結束後，我的熱血在體內翻滾，心情也變得更好，果然參與了這個典禮是沒錯的‧
回到宿舍後，我懷著愉快的心情快速地進入夢鄉．．．

又返到香港啦~
唉...大學既學分制真係令我擔心呀...
佢賺學分既方法又難啊,如果係第一個學期考唔夠分就真係弊啦...
不過可以慶幸既係我唔使讀數學,如果唔係就一定讀到我頭爆呀!
不過最算係日語都已經夠多音要記啦...真係唔努力唔得啦

最近都無有關紺野小姐既消息,真係令人擔心...
自從紺野小姐從Mo娘。畢業後就無咩消息啦,就算有都係對上果次既腦殘記者寫既炒作新聞者,
而我常去的那個日本fans的網站只是緬懷過去的事及其他人的消息,
是真的沒有紺野小姐的消息呢,還是沒人關心了呢?
希望只是暫時沒有這方面的消息啦,更希望紺野小姐在考上大學的時候可以佔有娛樂版的一部份就好了~

今次返到香港真係要買番隻H!P concert既正版DVD先得啦...
又要洗一筆,睇黎果本「Sweet Days」要押後啦...
買完DVD之後真係無咩錢剩...